काठमाण्डाै – २० वर्षमुनिको एएफसी एसियन कप छनोटमा नेपालले घरेलु टोली चाइनिज ताइपेईलाई हराएकाे छ ।
आज भएकाे खेलमा नेपालले चाइनिज ताइपेईलाई ३–१ गाेल अन्तरले हरायाे । नेपालका समिर तामाङले ह्याट्रिक गरे । चाइनिज ताइपेईले एक गाेल फर्कायाे ।
यसअघि नेपाल पहिलो खेलमा कम्बोडियासँग ४–१ ले पराजित भएको थियो । समूह 'बी' मा नेपालसँगै उज्वेकिस्तान, बहराइन, चाइनिज ताइपेई र कम्बोडिया रहेका छन् ।
सन् २०२५ मा हुने एएफसी २० वर्षमुनिकाे एसियन कप छनोटमा ४५ वटा देश सहभागी छन् । यी टोलीलाई १० वटा समूहमा विभाजन गरिएको छ । १० वटा समूहको विजेता र ५ उत्कृष्ट उपविजेताले २० वर्षमुनिको एसियन कपमा स्थान बनाउनेछन् ।
