तुलसी सिटौला (पाँचथर)
पाँचथरको हिलिहाङ गाउँपालिका अध्यक्ष रनिङ कप अन्तर पालिका पुरुष भलिबल प्रतियोगिताको उपाधि फालेलुङले जितेको छ ।आज भएको फाइनल खेलमा आयोजक हिलिहाङलाई ३-० को सोझो सेटमा पराजित गर्दै फालेलुङले उपाधी जितेको हो ।उपाधिसँगै फालेलुङले नगद रु एक लाख ११ हजार १ सय ११ सहित रनिङ्ग ट्रफी मेडल र प्रमाणपत्र प्राप्त गर्यो ।
उपबिजेता हिलिहाङले ५५ हजार ५ सय ५५ सहित ट्रफी मेडल र प्रमाणपत्रमा चित्त बुझायो । त्यस्तै तेस्रो स्थान हासिल गर्ने कुम्मायक गाउँपालिकाले रू २५ हजार ५ सय ५५ रूपैया प्राप्त गर्यो । तेस्रो स्थानका लागि भएको प्रतिस्पर्धामा याङवरक गाउँपालिकालाई कुम्मायकले पराजित गर्दै आफ्नो स्थान पक्का गरेको हो ।
त्यसै गरी विधागत तर्फ उत्कृष्ट सर्वर हिलिहाङका विवेक योङहाङ,उत्कृष्ट सेटर फालेलुङका अनिश खत्री,उत्कृष्ट ब्लकर हिलिहाङकै उपेन्द्र उप्रेति,उत्कृष्ट स्पाईकर कुम्मायकका पवन याक्सो,उत्कृष्ट लिब्रो फालेलुङका सन्दिप बिष्ट, उदयमान खेलाडी हिलिहाङका वविन्द्र सुहाङ र सर्वोकृष्ट खेलाडी फालेलुङका दिनेश खत्री घोषित भए ।सर्वोकृष्ट सबै खेलाडीले जनही रू २ हजार सहित ट्रफि मेडल र प्रमाणपत्र प्रप्त गरेका छन।
गत फाल्गुन ५ गते देखि ७ गते सम्म हिलिहाङ गाउँपालिका वडा नं १ पन्चमी भालुचोक स्थित माङसेवा बोडिङ स्कुलको खेल मैदानमा सन्चालन प्रतियोगितामा ५ वटा टीमले सहभागि जनाएका थिए ।
हिलिहाङ गाउँपालिका अध्यक्ष समर ब. अधिकारीको अध्यक्षता,याङवरक गाउँपालिकाका अध्यक्ष भीम ब. योङयाको प्रमुख आथित्यता तथा विभिन्न क्षेत्रका व्यक्त्त्वहरूको आतिथ्यतामा प्रतियोगिता सम्पन्न भएको थियो ।
