बिर्तामाेड । बिर्तामोड नगरपालिकाले डेंगु नियन्त्रणका लार्भा नष्ट गर्ने अभियान सुरु गरेको छ ।
नगरपालिकाले आज (शनिबार) वडा नम्बर ५ देखि स्प्रे कार्य सुरु गरेको हो । बिर्तामोडमा पछिल्लो समय डेंगुको प्रकोप बढ्न थालेपछि यसको नियन्त्रणका लागि लामखुट्टे र लार्भा नष्ट गर्न स्प्रे गर्न सुरु गकिएको वडा नम्बर ५ का अध्यक्ष रोहित प्रसाईले जानकारी दिए ।
विषादी छर्न वडा नम्बर ५ मा ३ दिन लाग्ने जनाइएको छ । तालिका अनुसार सबै वडामा पुगेर तालिम प्राप्त प्राविधिकहरुले स्प्रे गर्ने नगरका स्वास्थ्य शाखा प्रमुख राजिव कृष्ण विस्टले जानकारी दिए । स्प्रे गर्नका लागि २ जना व्यवस्थापक र १२ जना प्राविधिक गरि १४ जना खटिएका छन् ।
बिर्तामोडमा शुक्रबारसम्मको तथ्यांक अनुसार ९० जनामा डेंगु संक्रमण भएको नगरका सिनियर अहेब अधिकृत दिपक सापकोटाले जानकारी दिए । डेंगुको कारण बिर्तामाेडमा मात्र २ जनाले ज्यान गुमाएका छन् ।
