बिर्तामाेड । झापाको शिवसताक्षी नगरपालिका–९ भालुखोलामा ट्रक र कार ठोक्किदा कारमा सवार एकै परिवारका बाबु छोरीको मृत्यु भएको छ । मंगलबार बिहान भएको घटनामा अन्य ५ जना घाइते भएका छन् ।
भालुखोला स्थित हाईबेमा पश्चिम बाट पुर्व तर्फ गईरहेको प्र .१–०२–००१ क ३८७९ नं. को ट्रक र बिपरित दिशा बाट आईरहेको प्र १–०१–०० च ७४८२ नं. को कार एकआपसमा ठक्कर खाई दुर्घटना भएको जिल्ला प्रहरी कार्यालय झापाले जनाएको छ ।
दुर्घटनामा मोरङको उर्लाबारी नगरपालिका– ६का कार चालक गुरुचरण चौधरी र सोही कारममा सवार उनकी छोरी कुमकुम चौधरी रहेका छन् । उनीहरु दुबैको टाउकोमा गहिरो चोट लागेको अवस्थामा फेला परेको जिल्ला प्रहरी कार्यालय झापाका डिएसपी खगेन्द्र रिजालले जानकारी दिए ।
घटनामा सोही स्थानकी सुजिता चौैधरी, उनको छोरा बिवेक चौधरी, रञ्जुदेबी चौधरी, रतुवामाई नगरपालिका–१० का रिकेश न्यौपाने, उर्लाबारी नगरपालिका–१० का मुना शाह घाइते भएको प्रहरीले जनाएको छ । घाइतेमध्ये अधिकांसको टाउकोमा चोट लागेको प्रहरीले जनाएको छ ।
घाइतेहरुको बिर्तामोडस्थित बिभिन्न अस्पतालमा उपचार भइरहेको छ । दुर्घटनामा संलग्न ट्रक चालक फरार रहेको तथा ट्रक र कार प्रहरीले नियन्त्रणमा लिएको जनाएको छ ।
