झापाको बिर्तामोड नगरपालिका वार्ड नं २ चैतुबाढीमा बेवारिसे पुरुषको सब फेला परेको छ। मधेसी मूलको जस्तो देखिने सो व्यक्तिको अत्यधिक गर्मीका कारण मृत्यु भएको हुनसक्ने अनुमान गरिएको छ। चैतबारी स्थित श्रीराम प्लाई उद्योग छेउमा चप्पलको सिरानी लगाएर सुतेकै अवस्थामा उनको निधन भएको जनाइएको छ। बिर्तामोड नगरपालिका वडा नम्बर २ का अध्यक्ष किशोर पौडेलका अनुसार अत्यधिक गर्मीका कारण निजको मृत्यु भएको हुनसक्ने अनुमान गरिएको छ । निजको सबलाई इलाका प्रहरी कार्यालय घैलाडुबाको प्रहरीले चेकजाँच गरी पोस्टमार्टमका लागि प्रादेशिक अस्पताल भद्रपुर लगिएको छ। थप अनुसन्धान भइरहेको प्रहरीले जनाएको छ।