स्कोर्पियो दुर्घटना हुँदा कानुन अधिकृत बस्नेतको मृत्यु

पर्दाफास अनलाइन / वैशाख १८, २०८२

उदयपुरमा स्कोर्पियो दुर्घटना हुँदा एक जना कानुन अधिकृतको मृत्यु भएको छ। घटनामा ६ जना घाइते भएका छन्। मृत्यु हुनेमा झापा दमक नगरपालिकाका कानुन अधिकृत ५५ वर्षीय माधव बस्नेत रहेका छन्। उपचारका लागि प्रादेशिक अस्पताल कटारी पुर्‍याउन साथ चिकित्सकले मृत घोषणा गरेका हुन्। आज दिउँसो ४ बजेतिर कटारी नगरपालिका-६ सोमबारेस्थित मदन भण्डारी लोकमार्गमा चितवनबाट झापातर्फ जाँदै गरेको मे१च ३०४० नम्बरको स्कोर्पियो गाडी आफैं अनियन्त्रित भई सडक साइडमा लगाएको फलामको ट्रस्ट बेरियरमा ठोकिएको थियो। घाइते हुनेमा सवारी चालक झापाको दमक नगरपालिका-९ का ३८ वर्षीय देवेन्द्र तामाङ, वडा नम्बर १० का ४९ वर्षीय राजेन्द्र प्रसाद भण्डारी, वडा नम्बर १ का ४५ वर्षीय ज्ञानेन्द्र गौतम, वडा नम्बर ६ का ५४ वर्षीय कमल श्रेष्ठ, वडा नम्बर २ का ३८ वर्षीय नबिन खतिवडा र गौरादह नगरपालिका-१ का ५४ वर्षीय भुवन दाहालको रहेका छन्। घाइतेको प्रादेशिक अस्पताल कटारी उदयपुरमा उपचार भइरहेको छ।

हाम्रो बारेमा

पर्दाफास अनलाईनले समाजका तमाम बिकृति बिसंगति उजागर गर्ने अभिभारा साथमा लिएर उपस्थित भएको छ । यस अनलाइनले समृद्धी र विकासलाई प्रमुख प्राथमिकता दिने योजना बनाएको छ । अबको यात्रा विकास नै हो । राजनीतिक यात्रा एक अर्थमा समाप्त भइसकेको अवस्थामा समृद्धिलाई प्रमुख प्राथमिकता अनलाइनले दिने छ । साथमा समाजका हरेक गतिविधि समेटिने छ ।

पर्दाफास अनलाईन टीम