बिर्तामोड । झापाको बिर्तामोडमा शुभकामना आदानप्रदान तथा दाजुभाईलाई सम्मान कार्यक्रम सम्पन्न भएको छ । बिर्तामोड उद्योग वाणिज्य संघअन्तर्गतको महिला उद्यमी समूहले सोमबार कार्यक्रम आयोजना गरेको हो ।
कार्यक्रममा सहभागी ७० जना बढी दाजुभाईलाई महिला दिदीबहिनीले टीका, माला र टोपी लगाएर सम्मान गरेका थिए ।कार्यक्रममा अधिवक्ता लक्ष्मी खनाल कोइराला, विर्तामोड-५ का कार्यवाहक अध्यक्ष ओमभक्त सेडाई, ६ नम्बर वडाध्यक्ष सुर्यप्रसाद कन्दङवा, बिर्तामोड उद्योग वाणिज्य संघका अध्यक्ष राजु न्यौपाने, नेपाल उद्योग वाणिज्य महासंघका सदस्य उमेश डालमिया लगायतले चाडपर्वको अवसरमा शुभकामना दिनुका साथै सम्मानका निमित्त आयोजकलाई धन्यवाद दिए ।
कार्यक्रममा सप्तक संगीत विद्यालयका विद्यार्थी अनन्त मिश्रले गीत गाएका थिए भने साया सुवेदी र श्रेया पौडेलले नृत्य प्रस्तुत गरेका थिए । झापा गोल्ड कपका अध्यक्ष विनोद बस्नेत, नेपाल उद्योग वाणिज्य महासंघ कोशी प्रदेश सदस्य प्रकाश शिवाकोटी, नेपाल पत्रकार महासंघ झापाका अध्यक्ष एकराज गिरी, जिल्ला ट्राफिक प्रहरी कार्यालय झापाका प्रमुख प्रहरी निरीक्षक गणेश पौडेल, इलाम झापा मैत्री समाजका उपाध्यक्ष नरेश कर्माचार्य, बिर्तामोड खानेपानीका अध्यक्ष मेघराज बास्तोलालगायतको उपस्थिति रहेको थियो ।महिला उद्यमी समूहकी अध्यक्ष राधिका चुडालको प्रमुख आतिथ्यतामा सम्पन्न कार्यक्रममा प्रमुख अतिथि संविधान सभा सदस्य सुधिरकुमार शिवाकोटी रहेका थिए। सहभागीहरुलाई वरिष्ठ उपाध्यक्ष कामना उप्रेतीले स्वागत गरेकी थिइन् भने कार्यक्रमको औचित्यमाथि संयोजक तिलोत्तमा खत्रीले प्रकाश पारेकी थिइन् । कार्यक्रम महासचिव लीला अनमोलले सञ्चालन गरेकी थिइन् ।
