तुलसी सिटौला
तेह्रथुमको छथर ओख्रेबाट खाधान्न सामग्री बोकेर शुक्रबारे जाँदै गरेको प्र. ०२-००२-ख ८७९० नम्बरको मिनी ट्र्क मंगलबार दिउँसो निसान स्कुल छेउमा दुर्घटना हुँदा तीन जना घाइते भएका छन्। घाइते हुनेहरुमा ट्रकका चालक धनकुटा छथर जोरपाटी ५ घर भएका वर्ष २१ का उत्तम दर्नाल,सहचालकहरु तेह्रथुम लालिगुरास नगरपालिका घर भएका २३ वर्षीय मिलन पाँचकोटी र मोरङ बेलबारी ७ का २० वर्षीय झमक थापा रहेका छन्। घाइतेहरुको शुक्रबारे अस्पताल छथरमा उपचार भइ रहेको शुक्रबारे प्रहरी चौकीका प्रहरी सहायक निरिक्षक कृष्ण बहादुर बस्नेतले जानकारी दिनुभयो।
गुडिरहेको ट्रक अचानक स्ट्रिङ लक् हुँदा सडकबाट करीव ३० मिटर तल झरेर दुर्घटना भएको प्रहरीले जनाएको छ।
